Varios sobre a Memoria

Neste foro falamos de Historia de Galicia, antiga ou actual: desde o celtismo ata a Memoria Histórica, etc. Os temas relativos ás historias persoais ou familiares dos emigrados, as súas vivencias na emigración teñen outro espazo en "".
Avatar do Utilizador
casdeiro
Socio/a
Socio/a
Mensagens: 898
Registado: segunda, 28 jan 2002, 00:00

Varios sobre a Memoria

Mensagempor casdeiro » segunda, 06 out 2008, 19:02

Cópiovos 3 ligazóns interesantes que me fixeron chegar relacionadas coa memoria histórica:







Espero que vos interesen. Saúdos republicáns!

pilarmabel
Socio/a
Socio/a
Mensagens: 359
Registado: quarta, 03 ago 2005, 15:44

Varios sobre a Memoria

Mensagempor pilarmabel » quarta, 15 out 2008, 01:17

Cúmprese a vontade do galeguista
Os restos de Suárez Picallo descansan xa en Sada


Esta tarde tivo lugar en Sada o soterramento dos restos do deputado Ramón Suárez Picallo nun acto no que estiveron presentes representantes da política, da cultura e da sociedade galega, que non perderon a última vontade do galeguista.



Xa chegaron á Praza dos Irmáns Suárez Picallo, un marco incomparábel de Sada, os restos do deputado galeguista, que foron portados polo seu sobriño Ramón. Entre a comitiva acudiron numerosos persoeiros da política, da cultura e da sociedade galega. No acto interveu o alcalde de Sada, Abel López, que lle agradeceu os seus esforzos ás distintas institucións que permitiron que os restos do galeguista viaxasen de Buenos Aires a Galiza. O rexedor de Sada definiu a Suárez Picallo como ?un home adiantado ao seu tempo, que buscou unha Galiza social?. López tamén parafraseou o que fora deputado, ?o que gañei xa o perdín, o que perdín xa non o teño, só teño o que din?. Abel López finalizou as súas verbas repetindo as palabras coas que Ramón Suárez Picallo se despedía ?saúde e terra ceibe?.

A continuación, o sobriño dos Suárez Picallo deulles as grazas aos centos de asistentes e ás mostras de admiración chegadas dende distintos puntos da xeografía. Agradeceulles especialmente ás institucións galegas que os restos do seu tío poidan xa descansar na terra que o viu nacer, cumprindo así o seu desexo.

No acto tamén participou o vicepresidente da Igualdade e do Benestar, que xunto ao Concello de Sada fixo posíbel o retorno de Ramón Suárez Picallo a Galiza. Anxo Quintana falou do que fora deputado como unha persoa que ?encarna a esencia mesma da Galiza?, porque nel se fundiron ?mar, emigración e exilio?. Quintana fixo fincapé no traballo que desempeñou Ramón Suárez Picallo a favor do país e dos dereitos do galego e afirmou que a chegada dos restos do galeguista a Sada ?é xustiza histórica? para todo o exilio. ?É a mellor homenaxe para o retorno e para todos os que loitaron pola conciencia de Galiza. A súa vida é o mellor exemplo do amor e da loita polo país?, apuntou. Quintana quixo lembrar na súa intervención que Ramón Suárez Picallo defendía un Estatuto para Galiza que hoxe en día ?sería un Estatuto de Nación, que recoñeza o carácter nacional de Galiza?.

Ramón Suárez Picallo foi un dos máis importantes dirixentes da Federación de Sociedades Galegas, onde ingresou en 1924 xunto a Eduardo Blanco Amor e lle imprimiu un marcado rumbo galeguista de esquerda. Dende o seu falecemento, no 1964, os seus restos estaban depositados no Panteón do Centro Galego do Cemiterio de Chacarita. Agora, os restos de Ramón descansan por fin canda os do seu irmán Xan no cemiterio de Fiunchedo.

Fuente:http:www.anosaterra.org



Un saludo
Pilar

cachafeiro
Socio/a
Socio/a
Mensagens: 684
Registado: sábado, 29 mar 2008, 01:44

Varios sobre a Memoria

Mensagempor cachafeiro » quarta, 15 out 2008, 20:42

Retornan. Non correndo e moito menos camiñando.
Retornan en caixas.
Volven á súa terra, á Terra Nai.
Non poden ver as homenaxes nin escoitar os discursos.
Pero polo menos retornan.
Foi moi penosa a ida de casa e moi longa.
Estan cansos.
Só descansaràn cando se lles faga xustiza.
Mentres tanto conformarémosnos con saber que volveron a casa.



Alexandra Cachafeiro Camiña


Voltar para “Historia de Galicia e memoria histórica”

Quem está ligado:

Utilizadores neste fórum: Nenhum utilizador registado e 1 visitante