Cabanillas renace no seu Cambados

Para comentar libros galegos e falar de autores, clásicos e modernos.
cachafeiro
Socio/a
Socio/a
Mensagens: 684
Registado: sábado, 29 mar 2008, 01:44

Cabanillas renace no seu Cambados

Mensagempor cachafeiro » terça, 29 dez 2009, 11:48

Todas as casas do municipio recibirán de balde o exemplar “Roteiros pola poesía de Ramón Cabanillas”. Eis o mellor ramallete para rematar o ano de tributos ao poeta.
Redacción - 11:18 29/12/2009
Ramón Cabanillas morreu onde naceu. E isto, que pode ser algo tan común, convértese en extraordinario porque a súa obra está máis viva ca nunca en Cambados. A demostración é que cada un dos máis de catro mil fogares que hai no municipio vai contar co exemplar “Roteiros pola poesía de Ramón Cabanillas”.
O catedrático e académico Francisco Fernández Rei e o biógrafo Luís Rei prepararon unha escolma de textos do poeta. A mesma divídese en tres partes: “O Cambados pobre, fidalgo e soñador”, na que se repasa a paisaxe da vila; “O rumoroso val do Salnés”; e “Roseiras, fouces e marusías”.
Os autores da obra non venal consideran que esta é a mellor maneira de honrara a Cabanillas: “coñecer e valorizar o legado dun grandísimo poeta que compuxo versos saudosos, poemas costumistas e descritivos, sagas mitolóxicas e patrióticas, versos xusticieiros de combate anticaciquil, poemas relixiosos, textos intimistas de amor e desamor...”
Este martes ás 20 horas clausúrase no Auditorio da Xuventude de Cambados o “Ano Cabanillas”. Fernández Rei e Luís Rei presentarán a escolma de textos nun acto no que non faltará a música, o teatro e a poesía. Remata así un vizoso ano de tributos a un dos maiores autores que deu o país.
http://www.vieiros.com/nova/77731/caban ... u-cambados
En pé!
Irmáns! En pé, sereos,
a limpa frente erguida,
envoltos na brancura
da luz que cai de riba,
o corazón aberto
a toda verba amiga,
e nunha man a fouce
e noutra man a oliva,
arredor da bandeira azul e branca,
arredor da bandeira de Galicia,
cantémo-lo dereito a libre nova vida!
Validos de treidores
a noite da Frouseira
á patria escravizaron
uns reises de Castela.
Comestas polo tempo,
xa afloxan as cadeas…
Irmáns asoballados
de xentes extranxeiras,
ergámo-la bandeira azul e branca!
e ó pé da enseña da nazón galega
cantémo-lo dereito a libertar a Terra!
Irmáns no amor á Suevia
de lexendaria historia,
en pé! en pé dispostos
a non morrer sin loita!
O día do Medulio
con sangue quente e roxa
mercámo-lo dereito
á libre honrada chouza!
Xa está ó vento a bandeira azul e branca!
A oliva nunha man, a fouce noutra,
berremos alto e forte:
“A nosa terra é nosa!”
Ramón Cabanillas
\\\\\\\"Da Terra Asoballada\\\\\\\" (1917)
http://www.youtube.com/watch?v=4Ks5nejecI4
Cristina Fernández, cantante galego-uruguaia.
Alexandra Cachafeiro Camiña

Voltar para “Literatura galega”

Quem está ligado:

Utilizadores neste fórum: Nenhum utilizador registado e 1 visitante