EXPLOTACIÓNS GALEGAS CONTRA O CAMBIO CLIMÁTICO

A conservación do medio natural galego e os seus recursos, catástrofes ecolóxicas, perigos, etc.
pilarmabel
Socio/a
Socio/a
Mensagens: 359
Registado: quarta, 03 ago 2005, 15:44

EXPLOTACIÓNS GALEGAS CONTRA O CAMBIO CLIMÁTICO

Mensagempor pilarmabel » sábado, 05 dez 2009, 12:30

Proxecto piloto para mitigar a contaminación
Explotacións galegas contra o cambio climático
A Federación Galega de Medio Ambiente (Fegama) presentou un proxecto piloto para a xestión de residuos orgánicos das explotacións gandeiras co que busca \\\'mitigar\\\' o cambio climático. O uso do compost e a valoración enerxética, para transformar o biogás en calefacción, son os eixos da iniciativa que botará a andar no mes de marzo do 2010
Segundo explicou en rolda de prensa o secretario xeral técnico de Fegama, Xoán Miguel Acuña, o proxecto pretende incentivar o uso de compost para evitar que os agricultores teñan que comprar fertilizantes e utilizar transporte para desfacerse dos residuos. O obxectivo é crear un produto libre de patóxenos, que se pode almacenar e vender, co que se consegue diminuír a materia química nos solos galegos que “ten consecuencias bastante negativas”.
O proxecto desenvolverase de xeito conxunto en Galiza, Murcia e Estremadura. As granxas serán principalmente avícolas, porcinas e vacúas. Ademais, serán explotacións intensivas que non contan con base territorial suficiente para asimilar estes residuos.
No canto ao sistema de valorización enerxética, obterase biogás mediante un proceso anaerobio no que se degrada a materia orgánica, dando lugar así a dióxido de carbono e metano que poderá empregarse para producir electricidade ou calefacción. O desenvolvemento do programa contará coa colaboración da Escola Superior de Enxeñaría Ambiental da USC, que ao final do proxecto montará un biorreactor de aforro enerxético nunha das explotacións en Silleda.
Uns 30 gandeiros e tres explotacións galegas sumáronse a esta experiencia que conta cun grande afán \\\"didáctico\\\", para dar coñecer a forma na que se produce o compost. O proxecto durará tres anos, en xaneiro do 2010 comezará o traballo de campo e a súa posta en marcha concreta será en marzo do mesmo ano.
Sistemas de ecoxestión
Acuña explicou que o mundo agrícola ten tres puntos \\\"conflitivos\\\" que acentúan o efecto invernadoiro: a aplicación de fertilizante, a fermentación entérica dos ruminantes e a xestión dos residuos. Deste xeito, preténdese difundir sistemas de ecoxestión orientados ao modelo europeo, viábeis económica e ambientalmente.
O proxecto conta co cofinanciación do Ministerio de Medio Ambiente, Medio Rural e Mariño; ademais conta coa colaboración das federacións estremeñas e murcianas de protección ambiental. Para rematar, realizarase unha reportaxe audiovisual onde se poderá observar todas as fases do proxecto de onde sairá un manual explicativo de cada proceso

Fuente:http://anosaterra.org/
Pilar

Voltar para “Ecoloxía en Galicia”

Quem está ligado:

Utilizadores neste fórum: Nenhum utilizador registado e 1 visitante