Na súa nova etapa como “Fillos 4.0″ xunta na Rede máis de 6.700
usuarios
(máis…)

O webzine Certo de Barbanza e Noia faise eco da nosa posición como 7º centro galego do mundo. En http://xornalcerto.blogspot.com/2009/10/emigracion-fillos-de-galicia-setimo.html podemos ver a reprodución da nosa nota de prensa xunto cunha captura do noso web.

Mediante este comunicado anunciamos que o día 1 de novembro de 2009 (aninovo celta) dará comezo por medio de Internet unha asemblea extraordinaria de socios da Asociación Cultural Fillos de Galicia. O motivo desta asemblea é múltiple:

• Por unha banda os socios deberán aprobar unha importante evolución da moeda galeuro, de cara a integración e participación doutras entidades sociais galegas.

A folla de ruta para esa evolución está actualmente en fase de elaboración.

• Os socios deberán elexir un/ha nov/a Presidente e Secretario/a para resolver a interinidade actual destes cargos directivos.
• Debateranse propostas vitais para o futuro inmediato da asociación e mais os seus proxectos.

(A orde do día definitiva será comunicada por correo electrónico aos socios.)

Convidamos a todos os nosos membros, simpatizantes, colaboradores e en xeral a todos os galegos sensibilizados coa pervivencia da nosa cultura na Diáspora a que se afilien antes do comezo da Asemblea para así poderen participar nestas decisións vitais para o futuro de Fillos de Galicia e para poderen presentarse a algún dos cargos devanditos.