Desde hai uns días os usuarios de correo en DeGalicia.org (gratuito para todos os socios e tamén dispoñible para algúns dos membros) poden desfrutar de salientables melloras no seu acceso vía web (webmail). Por exemplo agora á máis doado mover mensaxes entre carpetas. OLLO: porque algunhas mensaxes que tiñades no buzón de entrada cando se fixo a migración están nunha carpeta deo webmail chamada Migración -> Entrada, e debédelas seleccionar todas e arrastrar ata a bandexa normal de Entrada para así podérdelas baixar (descargar) vía POP (é dicir, co programa de correo que usedes: Thuderbird, Eudora, Outlook…).
(máis…)

Vimos de actualizar a nosa escolma de aparicións na prensa, para recoller as producidas con motivo da nosa chegada aos 6.000 membros o pasado día 15 de Agosto. Podedes velas na sección de Prensa. É especialmente salientable a aparición no noticieiro da Sociedade da Información editado na Rede pola Consellaría de Innovación e Industria, o que supón para nós un recoñecemento oficial máis do noso labor e relevancia. Grazas aos medios que se fixeron eco!
(máis…)

http://www.elcorreogallego.es/index_2.php?idMenu=354&idNoticia=334401&idEdicion=981

O portal Fillos.org acadou o xoves a cifra de 6.000 usuarios rexistrados, conformando así “a maior comunidade galega online do mundo”, segundo afirman desde a Asociación Cultural Fillos de Galicia, responsable deste e doutros proxectos en internet dirixidos á diáspora galega. Esta especie de “casa de Galicia virtual” estaría entre as oito maiores do mundo, se se compara cos centros galegos tradicionais. “Pertencer a Fillos é de balde”, din desde a entidade, e “calquera galego ou galega de nacencia, orixe ou sentimento, de aquí ou de acolá, pode inscribirse, sen facer falta papeis nin ter a nacionalidade”.

Como é xa habitual, a noticia confunde asociados con membros. Asociados só debería empregarse para facer referencia aos socios da nosa Asociación Cultural.

http://www.codigocero.com/Fillos-org-supera-os-6-000-membros

Fillos.org, portal da emigración galega que ten xa tras de si máis dunha década unindo aos galegos do exterior e do interior a través das novas tecnoloxías, vén de superar a cifra de seis mil usuarios rexistrados. Con este número total de afiliados e con claras perspectivas de ampliación a curto e medio prazo, a comunidade virtual sitúase entre as oito de maior envergadura do mundo. Con todo, e tal e como dixemos, Fillos.org leva anos suxeita a un proceso de medre constante. A clave disto probablemente estea no feito de non seguir, a diferenza dalgunhas entidades actualmente situadas entre as 10 de meirande magnitude, unha liña exclusivista. De feito, non se requiren máis requisitos para pertencer á comunidade (que é de balde) que sentirse galego ou galega, con independencia de ter nacido na nosa terra ou ter orixes nela. Segundo indicou hai uns días o secretario de Fillos.org, Manuel Casal Lodeiro (na imaxe, á esquerda), o colectivo tivo un medre superior ao 20% no número de usuarios ao longo do último ano.
Asemade, calcúlase que de manterse esta tendencia superarase a liña dos 10.000 afiliados nun prazo de 24 meses. Neste intre, e para afacerse ás novas circustancias, a comunidade atópase metida de cheo nun proceso de apliación de recursos, tanto técnicos como humanos (traballadores e voluntarios) co fin de poder afrontar a xestión do servizo nas condicións máis idónea para os seus usuarios. Así, está nos plans da organización a apertura dunha sede ou delegación en Santiago de Compostela co fin de estreitar a comunicación coas institucións galegas e co tecido cultural galego. Polo de agora e para ir asentando o terreo, xa están manter contactos con algunhas entidades públicas co obxectivo de obter un espazo onde habilitar a súa sede galega.

¿Entre as principais comunidades virtuais da Diáspora? Ah, pero é que hai outras?

O web da Ciberirmandade da Fala reproduciu a nota aparecida en Código Cero.

http://www.sociedadedainformacion.eu/actualidade/noticias/noticia/artigo/fillos-de-galicia-chega-aos-seis-mil-usuarios.html

Se se compara coas cifras de afiliados aos centros tradicionais, esta especie de “casa de Galicia virtual”, que leva once anos na rede, estaría entre as 8 maiores do mundo, constituíndo en calquera caso” a meirande comunidade galega online”.

Nunha tendencia inversa á dos centros galegos tradicionais, este colectivo non para de recibir novos membros. No último ano tiveron un crecemento superior ao 20% no número de usuarios, e calculan que de manterse a tendencia superarán os 10 mil usuarios de aquí a 2 anos.

En consecuencia están embarcados nunha “imprescindible” ampliación dos seus recursos humanos, traballadores e voluntarios, para poder xestionar o servizo “nas condicións que precisan os nosos usuarios”. “O que máis falta nos fai é dispor dun local onde podermos realizar o noso traballo: unha pequena oficina”, reclama o seu secretario, Manuel Casal Lodeiro. Os labores técnicos realizábanse ate o ano pasado desde Barakaldo, no País Vasco, pero decidiron abrir unha delegación en Compostela para poder estar máis en

contacto coa administración e coa rede cultural do país.

Esta entidade sen ánimo de lucro está á procura “dalgunha institución que nos axude cedéndonos un espazo, xa que os nosos ingresos son moi limitados e pagar un aluguer é un gasto adicional, pero de momento non tivemos resposta positiva”, polo que insisten en solicitar o apoio de entidades galegas, públicas ou privadas, para poder poñer en marcha esta nova oficina técnica en Galicia desde a que seguir espallando cultura e galeguidade pola Rede: “É unha necesidade urxente porque queremos conformar un novo equipo humano para se encargar da xestión e programación informática e non temos un lugar axeitado desde onde traballaren”.

A partir de Fillos.org fóronse creando outros sitios web, sempre co obxectivo de unir no mundo virtual, en igualidade, aos galegos “de Galicia” e aos do exterior. Entre os últimos proxectos postos en marcha en Internet por esta asociación están eTIqueTAL.com (unha web para “mocear” en galego), Debulla.info (un xestor compartido de “links” favoritos) e Nomes-Galegos.info (unha enciclopedia de nomes propios galegos de home e de muller).

A edición de Margen Izquierda do xornal biscaíño El Correo fíxose eco, nunha breve nota, da nosa chegada aos 6 mil membros.

La Asociación Cultural Fillos de Galicia, con sede en Barakaldo, ha logrado que la página web que acoge la mayor comunidad gallega virtual del mundo -www.fillos.org- supere ya la barrera de los 6.000 usuarios. Desde hace un año, la entidad tiene una delegación en Santiago «para estar más en contacto» con las autoridades regionales.

O portal de Internet leva 11 anos xuntando galegos de todo o mundo.
(máis…)

Na nosa permanente preocupación por mellorar a experiencia dos nosos membros das páxinas desta Comunidade Virtual, sempre dentro do que nos permiten os nosos escasísimos recursos, vimos de ampliar a duración da sesión (conexión) de 10 a 30 minutos. Así non será preciso reconectarse se tardamos moito en escribir unha mensaxe no Taboleiro, p.ex. Esperamos que vos permita usar con maior comodidade o portal.
(máis…)

Vimos de reactivar a nosa sección de Anuncios Persoais Clasificados, que sufrira un mal funcionamento durante os últimos meses e que desaparecera por ese motivo da columna dereita do portal. Agora podedes publicar os vosos anuncios dunha maneira máis doada .
(máis…)