Os socios da Asociación Cultural Fillos de Galicia vimos de aprobar en votación sumarmos á convocatoria da manifestación convocada pola Mesa pola Normalización Lingüística para o vindeiro día 18 de Maio en Compostela. O lema da mesma será Polo dereito a vivirmos en galego.
(máis…)

No proceso de integración e mellora de Fillos.org e outros webs responsabilidade da Asociación Cultural Fillos de Galicia como canles publicitarias, estamos analizando algunhas cifras que falan da efectividade e alta taxa de clicks dos banners que amosamos dos nosos anunciantes actuais. Velaquí as tedes.
(máis…)

Para evitar o abuso do sistema, desde hoxe os visitantes que non sexan membros rexistrados non poderán enviar suxestións de novas ligazóns (links) para o noso directorio Navegaliza. Isto fará máis doado o traballo da súa xestora, Anamp. Se queredes suxerir algún link e non estades rexistrados escribídelle directamente a ela a navegaliza ARROBA fillos PUNTO org.
(máis…)

Este mes de marzo conmemoramos o I aniversario da Proclamación da Nación Mundial Galega. Con ese motivo e para que o poidades celebrar connosco, vimos de poñer unha oferta por tempo limitado na nosa tenda, para que te fagas cunha das bandeiras que fixemos con este novo símbolo da Galiza Mundial. E lembra que tamén podes mercar as camisetas da Nación Mundial Galega, tamén a un prezo especial de aniversario!
(máis…)

Como continuación á experiencia da nosa Antoloxía Poética da Diáspora Galega, vimos de inaugurar unha lista de correo chamada LIRICA-L na que participarán algúns dos poetas participantes nesa antoloxía e outros que desde o exterior queiran compartir experiencia, textos, e proxectos en común. Nace así o primeiro colectivo poético galego virtual da diáspora, que terá continuidade nun blog de publicación electrónica de poemas nas vindeiras datas.
(máis…)

Esta semana puxemos en marcha unha nova versión (a 3ª xa se non nos fallan as contas) do Bate-papo, o noso sistema de chat para membros rexistrados de Fillos de Galicia. Este novo chat emprega tecnoloxía Ajax, o que o fai máis dinámico e cómodo para todos os seus usuarios. Por desgraza os usuarios de Internet Explorer poden experimentar os habituais problemas de ubicación dos contidos, así que pregamos a todos que usedes outro navegador. Nas páxinas deste portal podedes atopar onde descargar o recomendado Firefox. Esperamos as vosas opinións sobre a nova e mellorada encarnación do Bate-papo que ven dar cumprimento a unha proposta que saiu aprobada na nosa última Asemblea.
(máis…)

Agora poderás coñecer algunha forma nova de chegar aos galegos do exterior, a mellores prezos e axudando de paso a financiar as actividades da nosa Asociación Cultural. Descarga o PDF en galego ou en castelán e atopa a maneira axeitada de te dares a coñecer na Rede de man de Fillos de Galicia, gastando o diñeiro que ti queiras.
(máis…)

Como xa viñamos anunciando, concluiu o periodo 2007-2008 da Parcelaria Virtual pola Cultura Galega. As parceliñas non renovadas están xa libres para quen as queira adquirir, simplemente facendo click sobre a desexada e indo a facer a compra na nosa tenda online. Contribúe a facer posibles as actividades de Fillos de Galicia escollendo xa a túa parceliña por apenas 38 euros.
(máis…)